*डांग सेवा मंडळ नाशिक संचलित*
*डॉ. विजय बिडकर विद्यालय व कनिष्ठ महाविद्यालय, पेठ ता. पेठ जि. नाशिक*
🌴🌳🌲🍀🌿🌱🍂🍃🌾🥀🌷
*शैक्षणिक पावसाळी सहलीचे आयोजन*
------------------------------------------------------
*पेठ, दि. २४ सप्टेंबर २०२६* : डांग सेवा मंडळ नाशिक संचलित डॉ. विजय बिडकर विद्यालय व कनिष्ठ महाविद्यालय, पेठ येथे इयत्ता पाचवी ते दहावीच्या विद्यार्थ्यांसाठी शैक्षणिक पावसाळी सहलीचे आयोजन करण्यात आले. या सहलीमध्ये विद्यार्थ्यांनी उत्स्फूर्त सहभाग नोंदविला.

सहल नियोजित पद्धतीने व सुरक्षित वातावरणात पार पडावी यासाठी विद्यालयाचे मुख्याध्यापक श्री. अशोक नंदन सर व उपमुख्याध्यापक श्री. दिलीप केला सर यांनी सहलीपूर्वी शिक्षक, शिक्षिका व शिक्षकेतर कर्मचाऱ्यांची बैठक घेऊन आवश्यक सूचना दिल्या. तसेच विद्यार्थ्यांना पावसाळी सहलीचे शैक्षणिक महत्त्व समजावून सांगत शिस्त, सुरक्षितता व पर्यावरण संवर्धनाबाबत मार्गदर्शन करण्यात आले.

विद्यार्थ्यांची हजेरी घेऊन सकाळी ठीक ८.३० वाजता सहलीने विद्यालयातून प्रस्थान केले. प्रवासादरम्यान विद्यार्थ्यांनी संगमेश्वर येथील मंदिरात दर्शन घेतले. त्यानंतर सहल खंबाळे परिसरातील निसर्गरम्य ठिकाणी पोहोचली.

या ठिकाणी विद्यार्थ्यांनी परिसरातील निसर्गसौंदर्याचा आनंद घेतानाच निसर्गाचे अभ्यासपूर्ण निरीक्षण केले. पावसाळ्यातील हिरवाई, वनस्पती, परिसरातील जैवविविधता व नैसर्गिक घटक यांचे निरीक्षण करून विद्यार्थ्यांनी प्रत्यक्ष अनुभवातून ज्ञान मिळविले. त्यानंतर सर्वांनी एकत्रितपणे आणलेल्या डब्यांचा आस्वाद घेतला.

सहलीदरम्यान वृक्षारोपणाचा उपक्रमही राबविण्यात आला. विद्यार्थ्यांमध्ये पर्यावरण संवर्धनाची जाणीव निर्माण व्हावी व वृक्षांचे महत्त्व समजावे, हा या उपक्रमामागील उद्देश होता.

तसेच विद्यार्थ्यांच्या सुप्त कलागुणांना वाव मिळावा यासाठी विविध सांस्कृतिक कार्यक्रमांचे आयोजन करण्यात आले. विद्यार्थ्यांनी उत्साहाने सहभाग घेत आपल्या कलागुणांचे सादरीकरण केले. त्यामुळे सहलीच्या आनंदात आणखी भर पडली.

दिवसभरातील विविध उपक्रमांनंतर सर्व विद्यार्थी, शिक्षक व कर्मचारी सुखरूपपणे विद्यालयात परतले. या शैक्षणिक सहलीमुळे विद्यार्थ्यांना निसर्गाचा प्रत्यक्ष अनुभव, पर्यावरण संवर्धनाचे महत्त्व तसेच सहकार्य, शिस्त व सामाजिक जाणीव यांचे मौल्यवान शिक्षण मिळाले.

सहलीचे नियोजन सहल विभागाचे श्री. ज्ञानेश्वर भोये व श्री. जनार्दन वाघमारे यांनी केले.

यावेळी विद्यालयाचे मुख्याध्यापक श्री. अशोक नंदन सर, उपमुख्याध्यापक श्री. दिलीप केला सर, सर्व शिक्षक-शिक्षिका, शिक्षकेतर कर्मचारी व विद्यार्थी उपस्थित होते.