डॉ विजय बिडकर विद्यालय पेठ येथे मराठी राज भाषा दिन उत्साहात साजरा.
पेठ, दि २७ - डांग सेवा मंडळ नाशिक संचलित डॉ विजय बिडकर विद्यालय व कनिष्ठ महाविद्यालय पेठ येथे नाशिक जिल्ह्यातील प्रसिद्ध साहित्यिक वि.वा. शिरवाडकर म्हणजेच कुसुमाग्रज यांचा जन्मदिवस मराठी राजभाषा दिवस म्हणून साजरा करण्यात आला. यावेळी विद्यालयाचे मुख्याध्यापक श्री पाटील आर एम, उपमुख्याध्यापक श्री मोरे एम एस, पर्यवेक्षक श्री केला डी जी उपप्राचार्य श्रीमती आचार्य व्ही सी श्री वेढणे पी आर यांच्या हस्ते कुसुमाग्रजांच्या प्रतिमेचे पूजन करून पुष्पहार अर्पण करण्यात आला. त्यानंतर विद्यार्थ्यांनी कुसुमाग्रज यांच्या कवितांचे वाचन केले. त्याचबरोबर त्यांच्या कार्याविषयी माहिती सांगितली. त्यानंतर श्रीमती हाडपे मनीषा श्रीमती आचार्य व्ही सी, श्री ज्ञानेश्वर सोनवणे, पर्यवेक्षक श्री केला डी जी यांनी आपल्या मनोगतातून कुसुमाग्रज यांचा जीवन परिचय व मराठी भाषा यांचे महत्त्व प्रतिपादन केले. शेवटी कार्यक्रमाचे अध्यक्ष श्री मोरे एम एस यांचे अध्यक्ष मनोगत झाले. या कार्यक्रमाच्या प्रसंगी विद्यालयातील सर्व शिक्षक, शिक्षकेतर कर्मचारी व विद्यार्थी उपस्थित होते. या कार्यक्रमाचे सूत्रसंचालन श्री ज्ञानेश्वर सोनवणे यांनी तर आभार प्रदर्शन श्री चंद्रकांत केदार यांनी केले.