News Cover Image

डॉ. विजय बिडकर विद्यालय पेठ च्या उपकरणाची राज्यस्तरावर निवड

डॉ. विजय बिडकर विद्यालय पेठ च्या उपकरणाची राज्यस्तरावर निवड
पेठ, ता. १३- डांग सेवा मंडळ नाशिक संचलित डॉ विजय बिडकर विद्यालय व कनिष्ठ महाविद्यालय, पेठ विद्यालयाला नाशिक जिल्हास्तरीय विज्ञान प्रदर्शनात उज्ज्वल यश प्राप्त झाले असून त्यांनी तयार केलेल्या उपकरणाची राज्यस्तरावर निवड झाली आहे. हे विज्ञान प्रदर्शन दिनांक ११ जानेवारी ते १३ जानेवारी २०२५ रोजी नाशिक जिल्हास्तरीय ५२ वे विज्ञान प्रदर्शन वणी येथे आयोजित करण्यात आले होते. यात विद्यालयातील अनलिमिटेड रनिंग बट पोलुशन फ्री कार या उपकरणाला ५ वी ते ८ वीच्या गटात तृतीय क्रमांक प्राप्त झाला. हे उपकरण उत्कर्ष ज्ञानेश्वर सोनवणे या विद्यार्थ्याने तयार केले होते. या विज्ञान प्रदर्शनात उत्कर्ष ज्ञानेश्वर सोनवणे ( ८ वी) व श्रेयस बाळू ढाकणे (६ वी) याविद्यार्थ्यानी सहभाग घेतला. या विद्यार्थ्यांना पर्यवेक्षक श्री दिलीप गोविंद केला, विज्ञान शिक्षक श्री चंद्रकांत दिनकर केदार व श्रीमती सुवर्णा कारभारी गरुड या शिक्षकांनी मार्गदर्शन केले. यशस्वी विद्यार्थ्यांचे डांग सेवा मंडळ नाशिक संस्थेच्या अध्यक्ष मा. श्रीमती हेमलाताताई बिडकर, सचिव मा. ऍड सौ. मृणालताई जोशी, सर्व संचालक मंडळ, मुख्याध्यापक श्री पाटील आर एम, उपमुख्याध्यापक श्री मोरे एम एस, पर्यवेक्षक श्री केला डी जी उपप्राचार्य सौ. आचार्य व्हि सी. श्री वेढणे पी आर, सर्व शिक्षक, शिक्षकेत्तर कर्मचारी यांनी अभिनंदन केले