News Cover Image

डॉ.विजय बिडकर विद्यालय व कनिष्ठ महाविद्यालय पेठ येथेस्वर्गीय डॉ.विजयजी बिडकर यांची जयंती साजरी

डांग सेवा मंडळ नाशिक संचलित,
डॉ.विजय बिडकर विद्यालय व कनिष्ठ महाविद्यालय पेठ येथेस्वर्गीय डॉ.विजयजी बिडकर यांची जयंती साजरी  
  पेठ -  दिनांक 01/04/2025 वार मंगळवार रोजी डॉ.विजय बिडकर विद्यालय व कनिष्ठ महाविद्यालय पेठ येथे डांग सेवा मंडळ संस्थेचे माजी सचिव आरोग्यदूत,वाचनप्रेमी, क्रीडाप्रेमी,शैक्षणिक,सामाजिक व राजकीय क्षेत्रात आपल्या कार्याचा विशेष ठसा उमटविणारे स्वर्गीय डॉ.विजयजी बिडकर यांची जयंती साजरी करण्यात आली. यावेळी विद्यालयाचे प्राचार्य श्री.राजेंद्र पाटील,उपमुख्याध्यापक श्री.मधुकर मोरे, पर्यवेक्षक श्री.दिलीप केला उपप्राचार्य सौ.वसुधा आचार्य वसतिगृह अधीक्षक श्री.जितेंद्र सूर्यवंशी,श्री.विनायक दोडे यांच्या प्रमुख उपस्थितीत स्वर्गीय डॉ.विजयजी बिडकर यांच्या पुतळ्याचे पूजन करण्यात आले.या वेळी विद्यार्थ्यांनी स्वर्गीय डॉ.विजयजी बिडकर यांच्या जीवनकार्याविषयी माहिती सांगितली.तसेच शिक्षकांमधून श्री.सोनवणे एस.जे.श्री.जाधव एन.के.श्री.केदार सी.डी.यांनी डॉ.विजयजी बिडकर यांच्या जीवन कार्याचा परिचय करून दिला.तसेच उपप्राचार्य सौ.आचार्य मॅडम यांनी डॉ.साहेबांच्या कार्याचा परिचय करून दिला.पर्यवेक्षक श्री.केला सर यांनीही डॉक्टर साहेबांच्या सामाजिक व शैक्षणिक कार्याची माहिती दिली.उपमुख्याध्यापक श्री.मोरे सर यांनी डॉ.विजयजी बिडकर यांच्या जीवनातील विविध प्रसंग सांगून शिक्षणाचे महत्त्व सांगितले.त्यानंतर अध्यक्षीय भाषणातून प्राचार्य श्री.पाटील सर यांनीही डॉ.विजयजी बिडकर यांच्या जीवनातील विविध प्रसंग व साहेबांचे शिक्षण क्षेत्रातील योगदान याविषयी माहिती दिली.कार्यक्रमाचे सूत्रसंचालन श्री.वाघमारे जे.एच.यांनी केले.यावेळी विद्यालयाचे सर्व शिक्षक,शिक्षिका शिक्षकेत्तर कर्मचारी व विद्यार्थी उपस्थित होते.