पेठ -दि.15/10/2025 बुधवार रोजी डांग सेवा मंडळ संचलित, डॉ.विजय बिडकर विद्यालय व कनिष्ठ महाविद्यालय पेठ येथे भारताचे माजी राष्ट्रपती डॉ.ए.पी.जे.अब्दुल कलाम यांचा जन्म दिवस वाचन प्रेरणा दिन म्हणून उत्साहात साजरा करण्यात आला. विद्यालयाचे उपमुख्याध्यापक श्री.दिलीप केला सर हे या कार्यक्रमाच्या अध्यक्षस्थानी होते. यावेळी सर्वप्रथम डॉ.कलाम यांच्या प्रतिमेचे पूजन करण्यात आले. त्यानंतर ग्रंथालयामध्ये भरविण्यात आलेल्या पुस्तक प्रदर्शनाचे उद्घाटन कार्यक्रमाचे अध्यक्ष उपमुख्याध्यापक श्री.दिलीप केला सर यांच्या हस्ते करण्यात आले. या कार्यक्रमां प्रसंगी शिक्षक श्री.चंद्रकांत केदार सर यांनी डॉ.अब्दुल कलाम यांच्या कार्याविषयी माहिती सांगितली. अध्यक्षीय भाषणातून श्री.दिलीप केला सर यांनी डॉ.अब्दुल कलाम यांच्या जीवन कार्याविषयी परिचय करून दिला व वाचनाचे महत्त्व सांगितले. कार्यक्रमाचे सूत्रसंचलन श्री.जनार्दन वाघमारे यांनी केले. यावेळी पर्यवेक्षक श्री.कैलास देशमुख सर, ग्रंथपाल श्री.अनिल घरटे सर, सर्व शिक्षक,शिक्षिका, शिक्षकेत्तर कर्मचारी व विद्यार्थी उपस्थित होते.